ابو ظہبی ایئرپورٹ پر سفری پابندیوں میں نرمی، گرین لسٹ سسٹم منسوخ

ابو ظہبی(کامرس ڈیسک) متحدہ عرب امارات کے دارالحکومت ابو ظہبی میں غیر ملکی مسافروں کے لیے سفری پابندیوں میں نرمی کرتے ہوئے گرین لسٹ سسٹم منسوخ کردیا گیا ہے۔بین الاقوامی ویب سائٹ کے مطابق ابو ظہبی میں سیاحت و ثقافت کے ادارے نے کہا ہے کہ ابو ظہبی آنے والے مسافروں کے لیے سفری پابندیوں میں نرمی کی گئی ہے، گرین لسٹ سسٹم منسوخ کردیا گیا ہے۔ابو ظہبی میں حکام ایسے ممالک کی فہرست اپ ڈیٹ کرتے رہے ہیں جہاں سے ابو ظہبی سفر کرنے والوں پر پابندیاں عائد نہیں تھیں، اب گرین لسٹ کا سلسلہ ختم کردیا گیا ہے۔ابو ظہبی آنے والوں کے لیے پی سی آر ٹیسٹ ضروری نہیں رہا، مسافروں سے صرف کیو آر کوڈ پر مشتمل ویکسین سرٹیفکیٹ طلب کیا جاتا ہے۔بغیر ویکسین والے مسافروں کے لیے پی سی آر ٹیسٹ کی نیگیٹو رپورٹ ضروری ہے، اس کا نمونہ سفر سے 48 گھنٹے قبل کا نہ ہو۔ویکسین نہ لگوانے والوں میں ایسے افراد بھی شامل ہوتے ہیں جو کرونا سے صحت یاب ہوچکے ہوتے ہیں، ان سے صحت یابی کا سرٹیفکیٹ طلب کیا جاتا ہے، بشرطیکہ وہ سفر سے پہلے 30 دن کے اندر اور کیو آر کوڈ پر مشمل ہو۔12 برس سے کم عمر بچے پی سی آر ٹیسٹ سے مستثنی ہیں۔