خود کوپولیس ملازم ظاہر کرکے ملزمان نے ایک فیملی کو لوٹ لیا

اسلام آباد(اپنے سٹاف رپورٹر سے) تھانہ سہالہ کو چوہدری خادم حسین نے بتایا کہ گیگا مال جی ٹی روڈ پر ہمشیرہ کو اسلام آباد سے لے کر آ رہا تھا کہ راستے میں نامعلوم گاڑی میں سوار افراد نے خود کو پولیس ملازم ظاہر کرکے روک لیا چیکنگ دوران انہوں نے 85سو پائونڈ، 5تولہ وزنی سونے کے کانٹے ، ہار انگوٹھی، چین موبائل فون چھین کر فرار ہوگئے۔
 ،تھانہ آئی نائن کو عاقل محمد نے بتایا کہ فیض آباد کے علاقے میں موٹر سائیکل پر سوار پولیس وردیوں میں ملبوس افراد نے 18ہزار روپے چھین لئے،تھانہ گولڑہ کو شوکت نے بتایا کہ جی 13ون میںڈیلیوری والی گاڑی سے 60ہزار روپے مالیتی ادویات چوری کرلی گئیں،تھانہ گولڑہ کو سید احمد علی شاہ نے بتایا کہ جی13ون میں گیراج سے پیٹریاں،بجلی کی تاریں اور سینٹری کا سامان چوری کرلئے گئے، تھانہ آئی نائن کو اسد عباس نے بتایا کہ کورنگ نالہ کے قریب نامعلوم موٹر سائیکل سواروں نے موبائل فون اور نقدی 10ہزار روپے چھین لی، تھانہ آئی نائن کو فاروق احمد نے بتایا کہ آئی نائن فور میں نامعلوم موٹر سائیکل سواروں نے 32ہزار روپے، شناختی کارڈ موبائل فون چھین لیا،جی نائن ٹو سے محمد اسرار کا ہنڈا 125 موٹر سائیکل 695، سری نگر ہائی وے  سے آصف اقبال کا سی ڈی 7موٹرسائیکل چوری ہو گیا۔