فیروزوالہ(نامہ نگار)اسسٹنٹ ڈائریکٹر زراعت تحصیل فیروزوالہ ڈاکٹر رانا قربان علی خاں نے کہا کہ گندم ہمارے ملک کی اہم ترین غذائی فصل ہے ملک کی آبادی کیلئے اس کے پیداوار بڑھانے کیلئے حکومت کی طرف سے زمینداروں کو خصوصی پیکج دئیے گئے ہیں جس کی وجہ سے گندم کی کاشت پر زمیندار بھرپور توجہ دے رہے ہیں۔ ان خیالات کا اظہار انہوں نے زراعت مرکز کوٹ عبدالمالک کے علاقہ ٹھٹھہ وسیراں  ( منڈھیالی) میں گندم کے لگائے گئے نمائشی پلاٹ کا معائنہ کرتے ہوئے کیا۔ اس موقع پر زراعت آفیسر شعیب حیدر بخاری اور زمیندار منور علی کے علاوہ کاشتکاروں کی بڑی تعداد نے شرکت کی ۔