لاہور(سپورٹس رپورٹر)نیشنل بیڈمنٹن چیمپئن شپ میں واپڈا نے مزید 3 ٹائٹل اپنے نام کرلئے۔ مینز سنگلز ، ویمنز سنگلز اور ویمنز ڈبل ٹائٹل میں بھی فاتح رہا۔واپڈا نیشنل بیڈمنٹن چیمپئن شپ میں مینز ٹیم اور ویمنز ٹیم ٹائٹل پہلے ہی جیت چکا ہے۔مینز سنگلز ٹائٹل واپڈا کے حافظ عرفان سعید بھٹی کے نام رہا۔ فائنل میں عرفان سعید بھٹی نے واپڈا ہی کے مقیت طاہر کو 0-2 سے شکست دی۔ویمنز سنگلز ٹائٹل کے فائنل میں ما حور شہزاد نے واپڈا ہی کی غزالہ جاوید کو 1-2 سے ہرایا۔ ویمنز ڈبلز ٹائٹل کے فائنل میں واپڈا کی ماہ حور شہزاد اور غزالہ جاوید نے واپڈا ہی کی جوڑی فرزانہ اور صبا کو 0-2 سے زیر کیا۔ 11 ٹیموں نے حصہ لیا، جن میں بلوچستان، پنجاب، خیبرپختونخوا، سندھ، آزاد جموں و کشمیر، اسلام آباد، آرمی، واپڈا، ریلوے، ہائیر ایجوکیشن کمیشن اور پولیس شامل ہیں۔مہمان خصوصی واپڈاسپورٹس بورڈ کے صدر امداد اللہ میمن نے انعامات تقسیم کئے۔