ایران کی پاکستان کے ساتھ مزید بجلی منصوبے شروع کرنے میں دلچسپی

اسلام آباد(نا مہ نگار) ترجمان وزارت توانائی کے مطابق اتوار کووفاقی وزیر توانائی خرم دستگیر نے تہران میں اپنے ایرانی ہم منصب علی اکبر محرابیان سے ملاقات کی ۔  ملاقات کے دوران باہمی دلچسپی کے امور پر تبادلہ خیال کیا گیا۔ایرانی وزیر نے ایران سے گوادر تک تیز رفتاری سے بجلی درآمد کرنے کے لیے ٹرانسمیشن لائن کی تعمیر پر پاکستان کے حکام کو سراہا۔انہوں نے پاکستان کے ساتھ مزید بجلی کے منصوبے شروع کرنے میں بھی دلچسپی ظاہر کی۔اس موقع پر خرم دستگیر نے توانائی کے شعبے میں تعاون بڑھانے پر اپنے ہم منصب کا شکریہ ادا کیا۔
خرم دستگیر