ننکانہ:انتظامیہ کے صفائی ستھرائی  کے بلند و بانگ دعوے ناکام

ننکانہ صاحب(نامہ نگار)ضلعی انتظامیہ کے شہر کو خوبصورت بنانے اور ضلع بھر میںصفائی ستھرائی کے بلند و بانگ دعوے ٹھس۔ تفصیلات کے مطابق ننکانہ صاحب کے بارونق علاقہ مین ریلوے روڈ کے درمیان میں لاہور موڑ کے قریب گذشتہ 8روز سے 12 فٹ لمبااور 4 فٹ چوڑا گڑھا پڑا ہوا ہے مذکورہ روڈ پر لاہور ، شیخوپورہ ، واربرٹن اور مانانوالہ کے علاوہ گردونواح کے درجنوںدیہات کی ٹریفک کا رش ہے یہ گڑھاسیوریج لائن بیٹھ جانے کے باعث پڑا ہے جس کی وجہ سے کسی بھی وقت کوئی جان لیوا حادثہ رونما ہوسکتا ہے۔شہریوں نے ڈپٹی کمشنر میاں محمد رفیق احسن سے فوری نوٹس لینے کا مطالبہ کیا ہے ۔