حافظ آباد: ریٹرنگ آفیسر ز اور اسسٹنٹ ریٹرنگ آفیسرزکی تقریب حلف برداری

حافظ آباد(نمائندہ خصوصی+نمائندہ نوائے وقت )ڈسٹرکٹ ریٹرنگ آفیسر حافظ آباد / ڈپٹی کمشنر عمر فاروق وڑائچ نے حافظ آباد کی تین صوبائی اسمبلی کے حلقوں کے ریٹرنگ آفیسر ز اور اسسٹنٹ ریٹرنگ آفیسرز کو تفو یض کردہ نئی ذمہ داریوں کا حلف لیا۔ڈسٹرکٹ الیکشن کمشنر تنویر احمد خان بھی اس موقعہ پر موجود تھے ۔پی پی 69 حافظ آباد 1 کے لیے ریٹرنگ آفیسر ایڈیشنل ڈپٹی کمشنر ریونیو امتیاز علی بیگ،اسسٹنٹ ریٹرنگ آفیسرز ڈپٹی ڈائریکٹر کالجزپروفیسر محمد اظہر جنجوعہ اور اسسٹنٹ ڈائریکٹر ایجوکیشن ساجد علی۔پی پی 70حافظ آباد llکے لیے ریٹرنگ آفیسر ایڈیشنل ڈپٹی کمشنر جنرل اشفاق احمد،اسسٹنٹ ریٹرنگ آفیسر ڈسٹرکٹ ایجوکیشن آفیسر سیکنڈری میاں عبدالمجید اور ڈپٹی ڈی ای او امان اللہ،پی پی 71حافظ آبادIIIکے لیے ریٹرنگ آفیسر اسسٹنٹ کمشنر پنڈی بھٹیاں راشد اقبال،اسسٹنٹ ریٹرنگ آفیسر اکرام اللہ سندھو، ڈپٹی ڈی ای او نذیر احمد چوہان نے پنجاب اسمبلی کے الیکشن کے حوالہ سے تفو یض کردہ نئی ذمہ داریوں کا حلف لیا۔ ڈسٹرکٹ ریٹرنگ آفیسر و ڈپٹی کمشنر عمر فاروق ورائچ نے تمام آر اوز ،اے آر اوزکو ہدایت کی کہ اپنے حلف کی پاسداری کرتے ہوئے الیکشن کمیشن کے ضابطہ اخلاق کے مطابق صاف،شفاف اور غیر جانبدار انتخابات کرائے جائینگے۔