لاہور(نامہ نگار) چوکی فردوس مارکیٹ پولیس نے دوران چیکینگ سیون اپ پھاٹک سے اشتہاری ملزمان دانش اور فرزند،پتنگ باز شکیل کو فالکن کمپلیکس جبکہ منشیات فروش لیاقت کو فردوس مارکیٹ سے گرفتار کر کے ملزمان کے قبضے سے 10 پتنگیں، ڈوراورایک کلو 4سو گرام چرس برآمدکرکے مقدمات درج کر لئے ہیں۔پولیس کا کہنا ہے کہ گرفتار اشتہاریوں کیخلاف بوگس چیک و فراڈ کے مقدمات درج ہیں۔ ہئیر پولیس نے پتنگوں کی سپلائی کو ناکام بنا کرپتنگ فروش محمد جمیل کو گرفتارکر کے 170 پتنگیں، کیمیکل ڈور کی 24 چرخیاں اور رائفل برآمد کر لی ہے۔ایس پی کینٹ اویس شفیق کا کہنا ہے کہ ملزم علاقہ غیر سے آن لائن آرڈر پر پتنگیں اور ڈور منگوا کر لاہور کے مختلف علاقوں میں سپلائی کرتا تھا۔پولیس نے ملزم کے خلاف مقدمہ درج کرکے تفتیش شروع کردی ہے۔