فیروز والہ : سلنڈرلیک ہونے سے آگ لگ گئی ‘خاتون جھلس گئی 

 فیروزوالہ( نامہ نگار)  آتشزدگی کے مختلف واقعات کے دوران خاتون سمیت دو افراد زخمی جبکہ کار ،ویگن اور سکریپ کے گودام میں آگ لگنے سے سامان جل گیا ۔ پیپلز کلونی میں گھر کا سلنڈر لیک ہو جانے سے آگ لگ گئی جس سے خاتون(ج) جھلس کرزخمی ہوگئی جسے ہسپتال داخل کرا دیا گیا ۔ بیم کوڑے قریب بجلی کا کرنٹ لگنے سے نوجوان عقیل زخمی ہو گیا ۔برکت ٹاؤن کے قریب سکریب کے گودام میں اچانک آگ بھڑک اٹھی ‘سکریب کا سامان جل کر راکھ ہو گیا۔ شر قپور سے لاہور آنے والی ویگن میں سرکٹ شارٹ ہو جانے کے باعث آگ بھڑک اٹھی ۔پٹرولنگ پولیس نے ویگن میں سوار مسافروں کو بچا لیا اورآگ پر قابو پا لیا۔ کالا شاہ کاکو کے قریب سرکٹ شارٹ ہو جانے کے باعث کار میں آگ لگ گئی‘ راہگیروں نے آگ پر قابو پا لیا اور کار سوار دو افراد کو زندہ بچا لیا۔