فوٹو ایجنسیوں کا کیٹ مڈلٹن کی نئی تصویر شائع کرنے سے انکار 

لندن(این این آئی)فوٹو ایجنسیوں نے شاہی محل کی جانب سے سرجری کے بعد شہزادی کیٹ مڈلٹن کی بچوں کے ہمراہ جاری کی گئی تصویر کو شائع کرنے سے انکار کر دیا۔رپورٹ کے مطابق اس حوالے سے ایسوسی ایٹڈ پریس، رائٹرز، اور ایجنسی فرانس پریس سبھی نے اس تصویر پر میڈیا آئوٹ لیٹس نے نوٹیفیکیشن جاری کیے ہیں کہ اب وہ شہزادی کیٹ مڈلٹن کی کینسنگٹن پیلس کی جانب سے جاری کردہ نئی تصویر کو شائع نہیں کریں گے۔یہ تصویر دیکھنے کے بعد جہاں کئی صارفین یہ دعوی کرتے نظر آ رہے ہیں کہ تصویر اے آئی ٹیکنالوجی کی مدد سے تیار کردہ ہے تو وہیں کچھ صارفین اس بات پر تشویش کا اظہار کرتے نظر آ رہے ہیں کہ اس تصویر میں کیٹ مڈلٹن کے ہاتھ میں منگنی کی انگوٹھی موجود نہیں ہے۔کیٹ مڈلٹن نے اپنے دفتر کینسنگٹن پیلس کی جانب سے جاری کی گئی نئی تصویر کے سبب عوام میں پیدا ہونے والے الجھن پر معافی مانگ لی اور اس تصویر کو سرکاری ویب سائٹ سے بھی ہٹا دیا گیا ہے۔شاہی ذرائع کے مطابق کیٹ مدرز ڈے کے موقع پر اپنے خاندان کی ایک غیر رسمی تصویر پوسٹ کرنا چاہتی تھیں جو اتوار کو برطانیہ میں منایا گیا تاہم اشاعت کے بعد تصویر کے تجزیے سے پتہ چلا کہ یہ تصویر ادارتی معیار پر پوری نہیں اترتی۔