راولپنڈی(جنرل رپورٹر)اولپنڈی کے مختلف علاقوں میں گیس لیکج کے واقعات کے متعلق مجموعی طور پرریسکیو1122کو 24 اطلاعات موصول ہوئیں اور4جگہوں پر آگ لگی،2کمسن سگے بھائی جھلس کر جاں بحق اور11زخمی ہوئے،میڈیا کو آر ڈی نیٹر ریسکیو1122محمد عثمان گجر نے بتایا کہ ریسکیو اہلکاروں نے سیفٹی پروٹوکول کو مدنظر رکھتے ہوئے تمام مقامات کو محفوظ بنایا، گزشتہ روز ضلع راولپنڈی میں گیس لیکج سے 4 مختلف مقامات پر آگ لگنے/دھماکے کے واقعات رپورٹ ہوئے،ریسکیو اہلکاروں نے تمام زخمیوں اور میتوں کو ہسپتال منتقل کر دیا،بھابڑہ بازار کے علاقے میں گیس لیکج دھماکے سے 28سالہ ریمازخمی ، 7سالہ ارحم اور 3سالہ آیت جاں بحق ، ٹیپو روڈ کے واقعہ میں19سالہ امرین، 45سالہ پر وین، 45سالہ انتظار،16سالہ ابیہا،45سالہ فیاض زخمی ہوئے، گرجا روڈ واقعہ میں 18سالہ شاہ زیب، 3سالہ نور، 30سالہ ثوبیہ وقارزخمی ہوئی،نعشوں اور زخمیوں کو ہسپتال منتقل کر دیا گیا۔