ایچ9اورجی6میں رمضان بازار پورا ماہ جاری رہے گا

 اسلام آباد(وقائع نگار ) چیئرمین کیپیٹل ڈویلپمنٹ اتھارٹی کی ہدایت پر عملدرآمد کرتے ہوئے ڈائریکٹوریٹ آف میونسپل ایڈمنسٹریشن کی جانب سے ہفتہ وار مارگلہ بازار H-9 اور ہفتہ وار آبپارہ بازار G-6 میں یکم رمضان المبارک تا اختتام رمضان تک رمضان بازار منعقد کیا جارہا ہے. جس میں شہریوں کو اعلی اور معیاری اشیائے خوردونوش کی فراہمی کو یقینی بنایا جارہا ہے. اسی طرح شہریوں کی سہولیات کے پیش نظر ڈائریکٹوریٹ آف میونسپل ایڈمنسٹریشن کی جانب سے 03215050334 نمبر کا اجرا بھی کردیا گیا ہے. جس پر رمضان بازار میں آنے والے صارفین اپنی شکایات کا اندارج بھی کرواسکتے ہیں۔