ڈپٹی کمشز کا سبزی منڈی کا دورہ، ایس اوپیز کی خلاف ورزی پر 15افراد گرفتار

اسلام آباد (وقائع نگار)ڈپٹی کمشنر حمزہ شفقات کا اسلام آباد سبزی منڈی میں بڑا ایکشن ایس او پیز کی خلاف ورزی پر پندرہ افراد کو گرفتار کرلیا ہے اس موقع پر ڈپٹی کمشنر اسلام آباد، ایڈمنسٹریٹر مارکیٹ کمیٹی، اسسٹنٹ کمشنر صدر بھی موجود تھے دس افراد کو ایس او پیز کی خلاف ورزی پر جرمانہ اوربیس دکانداروں کو انتباہ کیاگیا جبکہ منڈی میں ایس اوپیز پر عمل درآمد کے لیئے ایک مستقل مجسٹریٹ کی ڈیوٹی بھی لگا دی گئی ہے جو 24 گھنٹے منڈی میں ایس او پیز کی خلاف ورزی اور پرائس کنٹرول کی دیکھ بھال کرے گاسبزی منڈی میں صفائی کا کام شروع کر دیا گیاہے ڈپٹی کمشنر کی زیر نگرانی صفائی اور فٹ پاتھ پر کھڑے لوگوں کے خلاف آپریشن بھی شروع کر دیا گیا ہے ،انتظامیہ سبزی منڈی کی صفائی اور اشیا کے ریٹس کو بہتر بنانے کے لیے فعال ہے،عوام انتظامیہ اور ڈیوٹی مجسٹریٹ کے ساتھ تعاون کرے۔