مری(بیورورپورٹ)سترہ میل کے قریب ایک ڈمپرٹرک روڈ پر الٹ گیا جسکے نتیجے میں تین افراد زخمی ہوگئے،حادثہ کی اطلاع ملتے ہی ریسکیو 1122 مری کے کنٹرول روم کی ہدایت پر ریسکیو1122 مری کے اہلکار ایمبولینس لیکر جائے حادثہ پہنچ گئے اورامدادی کاروائی کرتے ہوئے ایک زخمی شخص کو موقع پر ابتدائی طبی امداد فراہم کردی جبکہ دیگر 2 زخمیوں کو قریبی ہسپتال میں منتقل کردیا گیا۔               مری(بیورورپورٹ)مال روڈ مری پر قائم سستے رمضان بازار میں اشیا ضروریہ کی قیمتیں عام مارکیٹ سے بھی زیادہ،عوام کیلئے قیمتوں میں 25 فیصدحکومتی سبسڈی کاکوئی فائدہ عوام کونہیں پہنچ رہا،سرکاری زراعت بازار میں اشیا خوردونوش وافر مقدار میں نہ ہونے سے بھی روزہ داروں کو مشکلات کاسامنا ہے،غیر معیاری پھل،سبزیاں سٹال پر موجود گاہکوں کو مزید پریشانی میں مبتلا کررہی ہیں،برائے نام سستے رمضان بازار میں بغیر ریٹ لسٹوں کے مہنگی چیزیں فروخت کی جارہی ہے،ضلعی اور تحصیل انتظامیہ کی طرف سے مانیٹرنگ کامعقول انتظام نہ ہونے سے یکم رمضان کو ہی عوام ان کی کارکردگی سے مایوس دکھائی دیتے ہیں،عوامی حلقوں نے وزیراعلی پنجاب اورممبران اسمبلی سے فوری نوٹس لینے اوراصلاح احوال کا مطالبہ کیا ہے۔