پنڈورہ بازارمیں دکانداروں اور خریداروں میں صفائی آگاہی پمفلٹس تقسیم

راولپنڈی (سٹاف رپورٹر)وزیر اعلیٰ پنجاب مریم نواز شریف کی ہدایت پر راولپنڈی میں جاری ستھرا پنجاب ماہ صفائی مہم میں راولپنڈی ویسٹ مینجمنٹ کمپنی کمیونیکیشن اینڈ سوشل موبلائزیشن ٹیم نے گزشتہ روزپنڈورہ بازاریوسی 18میں مارکیٹ آگاہی مہم میں دکانداروں اور خریداروں میں پمفلٹس تقسیم کرتے ہوئے کہا کہ شہری صفائی میں معاون بنیں،کوڑا کرکٹ کوڑا دان میں ڈالیں،ہم سب نے ملکر اپنے شہر کو زیرو ویسٹ سٹی بنانا ہے، صفائی کی کاوشوں میں راولپنڈی ویسٹ مینجمنٹ کمپنی کا ساتھ دیں،راولپنڈی ویسٹ مینجمنٹ کمپنی کی سوشل موبلائزیشن اینڈ کمیونیکیشن ٹیم نے کہا کہ صفائی ایک مشترکہ عمل ہے،راولپنڈی ویسٹ مینجمنٹ کمپنی شہر میں صفائی یقینی بنانے کیلئے مصروف عمل ہے،شہریوں کے تعاون کے بغیر صفائی ممکن نہیں،اپنے گھروں کیساتھ ساتھ گلی،محلوں کو بھی صاف رکھیں،کوڑا کرکٹ کھلے عام نہ پھینکیں،ویسٹ بیگز میں ڈال کر کنٹینرز میں ڈالیں۔