ہائر ایجوکیشن کمیشن پاکستان نے پاکستان اسٹڈیز پر ایک کورس تیار کرلیا

اسلام آباد(خبرنگار)ہائر ایجوکیشن کمیشن پاکستان نے پاکستان اسٹڈیز پر ایک کورس تیار کیا ہے، اورانڈر گریجویٹ ایجوکیشن پالیسی کے تعلیمی جزو میں اس کو شامل کرنے پر زور دیا ہے اس سلسلے میں ایچ ای سی کی کورس ڈیزائن کمیٹی نے ایچ ای سی ریجنل سینٹرکراچی میں ایک اہم اجلاس منعقد کیا جس میں انڈر گریجویٹ پروگرامز کے لیے دو کریڈٹ کورس پاکستان اسٹڈیز کے عنوان سے تشکیل دیا گیاڈپٹی ڈائریکٹر ایچ ای سی محمد علی بیگ نے سیشن کا آغازکیا۔ انہوں نے پاکستان اسٹڈیز پر ایک باریک بینی سے تیار کردہ کورس کی ضرورت پر زور دیا جو طلبا کو پاکستان کی شناخت کی ایک جامع دریافت پیش کرے، جس میں پاکستان کی جغرافیائی، تاریخی اور ثقافتی جہتیں شامل ہیں کمیٹی میں شعبہ کے ممتاز ماہرین شامل تھے ۔