ویسٹ انڈیز کے کپتان ڈیرن سیمی نے ٹاس جیت کر پہلے بیٹنگ کا فیصلہ کیا تاہم ویسٹ انڈیز کو ابتدا ہی سے مشکلات کا سامنا کرنا پڑا، میزبان ٹیم کے کھلاڑی زیادہ دیر تک وکٹ پرنہ جم سکے اور وقفے وقفے سے آؤٹ ہوتے رہے ،میزبان ٹیم کی جانب سے سیمنز نے سب سے زیادہ انچاس رنز بنائے،پہلے روزجب کھیل ختم ہواتو ویسٹ انڈیزکے نو کھلاڑی دو سونو کے مجموعہ پر پویلین لوٹ چکے تھے،کمار روچ سولہ اور دیوندرا بشو دس رنز کے ساتھ کریز پر موجود ہیں، پاکستان کی جانب سے سعید اجمل چار وکٹیں لے کر سب سے کامیاب باؤلر رہے،محمد حفیظ اور عبدالرحمان نے دو دو وکٹیں حاصل کیں