فیفا ورلڈ کپ 2014 ءکے لئے برازیلی سٹیڈیمز کے تعمیراتی کام پر تحفظات کا اظہار

لندن (آن لائن) فٹ بال کی عالمی تنظیم فیفا نے برازیل میں اگلے سال کھیلے جانے والے فٹ بال ورلڈ کپ کیلئے چھ سٹیڈیمز کی تعمیر کے کام کی رفتار پر تحفظات کا اظہار کیا ہے۔ فیفا کے ترجمان کے مطابق برازیل کے شہر ریوڈی جنیرو کے مراکانہ سٹیڈیم میں کھیلے جانے والے پریکٹس میچ منسوخ کردئیے گئے۔ فیفا کے ترجمان نے برازیلین حکام پر واضح کردیا ہے کہ ورلڈ کپ فٹ بال کیلئے تیار کئے جانے والے چھ سٹیڈیمز پر کنفیڈریشن کپ کے میچ منعقد نہیں ہونے چاہئیں تاکہ یہ سٹیڈیم ورلڈ کپ کے مقابلوں کیلئے مطلوبہ وقت پر تیار کئے جاسکیں۔ ترجمان نے کہا کہ فیفا ریوڈی جنیرو کے مراکانہ گراﺅنڈ پر تعمیراتی کام کو قریب سے دیکھ رہی ہے۔