کراچی (اے پی پی) سندھ ٹینس ایسوسی ایشن کے زیراہتمام دوسری اوپن نیشنل جونیئر اینڈ سینئر ٹینس چیمپئن شپ 17 سے 23 مئی تک کراچی جمخانہ میں کھیلی جائے گی۔ سندھ ٹینس ایسوی ایشن کی طرف سے جاری کردہ تفصیلات کے مطابق چیمپئن شپ میں ایشین نمبر ون نوفل کلیم، قومی جونیئر ٹاپ سیڈ طلحٰہ زبیر، ماہین دادا اور داور ریحان نے شرکت کی تصدیق کر دی ہے۔ چیمپئن شپ میں جونیئر انڈر 18 سنگلز، گرلز انڈر 18 سنگلز، بوائز انڈر 14 سنگلز، سینئرز 40 پلس سنگلز اور سینئر 45 پلس ڈبلز کے مقابلے منعقد ہوں گے۔