لاس اینجلس (اے پی پی) ہالی وڈ اداکار ٹرینس ہاورڈ کی اپنی اہلیہ مچل گینٹ سے علیحدگی ہو گئی۔ غیر ملکی ذرائع ابلاغ کے مطابق ہاورڈ کو ان کی جائیداد میں سے اہم حصہ حاصل ہوا ہے۔ گینٹ نے سال 2011ءمیں طلاق کا مقدمہ دائر کیا تھا۔ ہاورڈ گینٹ کو گھر کے خرچہ کیلئے اگلے تین سال تک ماہانہ 58 سو ڈالر دیں گے۔ ہاورڈ کی اس سے قبل شادی لوری میک کومان سے ہوئی تھی، ان کی یہ شادی 14 سال رہی اور بعد ازاں باہمی رضامندی سے طلاق ہو گئی۔