لاہور(آئی این پی) فلم سٹار شان نے بطور ہدایت کار اور پروڈیوسر جلد اپنی فلم شروع کرنے کا اعلان کرتے ہوئے کہا ہے کہ میں ناز نخرے والا نہیں ہوں‘ شوبز میں جہاں بھی کام ملے خوش اسلوبی سے کرنے کو تیار ہو جاتا ہوں۔ اپنے ایک انٹرویو کے دوران شان نے کہا کہ کبھی بھی کسی معاملے میں ضد نہیں دکھائی‘ مجھے ماڈلنگ سمیت کسی بھی شعبہ میں اچھا کام ملے تو میں اسے ضرور کرتا ہوں کیونکہ میری کوشش ہوتی ہے کہ فضول بیٹھنے کی بجائے جتنا زیادہ سے زیادہ ہو سکے خود کو شوبز میں مصروف رکھوں۔