اسلام آباد (محمد نواز رضا+ وقائع نگار خصوصی) باخبر ذرائع سے معلوم  ہوا ہے کہ وزیر داخلہ چودھری نثار نے الطاف حسین کو  طے شدہ طریقہ کار کو پورا کرنے پر  پاکستان کا شناختی کارڈ اور پاسپورٹ جاری کرنے کا عندیہ دیا ہے  تاہم کہا ہے اس مقصد کے لئے الطاف حسین  کو لندن میں پاکستانی ہائی کمشن  میں آنا پڑے گا۔ وزیر داخلہ نے اس سلسلے میں ایم کیو ایم کی قیادت کو آگاہ کر دیا ہے اور کہا ہے کہ پاکستانی ہائی کمشن  الطاف حسین کو پاکستان کا شناختی کارڈ اور پاسپورٹ کے اجراء میں  بھر پور تعاون کرے گا ۔