کراچی(پ،ر)شیراز اسپورٹس کے زیرِ اہتمام چوبیسویں کراچی لیگ کرکٹ ٹورنامنٹ کے دوسرے سیمی فائنل میچ میں بینکرز الیون نے تھنڈر بولٹ کو چار وکٹوں سے شکست دیکر فائنل میں کھیلنے کا اعزاز حاصل کر لیا۔ ڈائو یونیورسٹی گرائونڈ پر ٹاس جیت کر پہلے بیٹنگ کرتے ہوئے تھنڈر بولٹ نے نو وکٹوں کے نقصان پر140` رنز اسکورز کیئے۔ ایم منیب 23،محمد طاہر 25اور ایم جاوید نے 22 رنز اسکورز کیئے۔وقاص ملک، محمد صْہیب، رضا رضوی نے دو،دو وکٹیں حاصل کیں جواب میںبینکرز الیون نے مطلوبہ حدف 141 رنز چھ وکٹوں کے نقصان پر بنالئے۔جاوید خان نے 34،جاوید اقبال نے31 اور صہیب نے 21رنز اسکورز کئے۔عارش علی،ایم جاوید،شعری نے 2,2وکٹیں حاصل کیں۔ میچ کے منصف عابد علی اسپورٹس آرگنائزر نے جاید خان کودوسرے سیمی فائنل مین آف دی میچ قرار دیا۔غلام انور، صغیر قریشی نے امپائرنگ اور محمد شفقت نے آفیشل اسکورر کے فرائض انجام دیئے۔ٹورنامنٹ کا فائنل اتوار کو کھیلا جائیگا۔