اسلام آباد ایئر پورٹ پر لاکھوں روپے کی ٹیرنٹولا مکڑیاں سمگل کرنے کی کوشش ناکام

اسلام آباد( آن لائن)اسلام آباد ایئر پورٹ پر ٹیرنٹولا مکڑیاں سمگلنگ کرنے کی کوشش ناکام بنا دی گئی ،ایئر پورٹ فورس نے مسافر کو حراست میں لے لیا۔اتوار کے روزا سلام آباد ایئر پورٹ پر ٹیرنٹولا مکڑیاں سمگلنگ کرنے کی کوشش ناکام بنا دی گئی ،سامان کی جانچ پڑتال کے دوران مسافر کے سامان سے لاکھوں مالیت کی 2 نایاب مکڑیاں برآمدکر لی گئیں،عثمان خان پرواز ای کے 614 کے ذریعے دبئی سے اسلام آبادپہنچاتھا ، پشاور کے رہائشی عثمان خان نے ٹیرنٹولا مکڑیاں چین سے خریدی تھیں ،ٹیرنٹولا مکڑیاں کینسرکے مرض کی ادویات میں استعمال کی جاتی ہیں ،پولیس نے مسافر کو حراست میں لے لیا،ٹیرنٹولا مکڑیوں کو محکمہ وائلڈلائف کے حوالے کیا جائیگا۔