سعودی عرب نے کہا ہے کہ فجیرہ کے ساحل کے قریب ایک تخریبی کارروائی میں سعودی عرب کے دو آئل ٹینکروں کو نشانہ بنایا گیا ہے۔
سعودی عرب کے توانائی کے وزیر خالدالفلیح نے آج بتایا کہ حملے میں کوئی جانی نقصان نہیں ہوا اور نہ ہی تیل سمندر میں پھیلا۔متحدہ عرب امارات کی وزارت خارجہ نے کہا ہے کہ گزشتہ روز اس کی سمندری حدود میں ایک تخریبی کارروائی میں چار تجارتی بحری جہازوں کو نشانہ بنایا گیا تھا۔
