واشنگٹن(اے پی پی) وائٹ ہائوس نے امریکی نائب صدر مائیک پینس کی پریس سیکرٹری کیٹی ملر اور دیگر 2 ارکان میں کورونا وائرس کی تشخیص ہونے کے بعد اوول آفس میں داخل ہونے والے عملے کو ماسک پہننے کے احکامات جاری کر دیئے ہیں۔ اوول آفس میں چہروں کو ڈھانپیں۔برطانوی خبر رساں ادارے کے مطابق وائٹ ہائوس کے پرسنل آفس نے گزشتہ روز کہا کہ کرونا وائرس سے بچائو کے اضافی حفاظتی اقدامات کے تحت اوول آفس میں چہروں کو ڈھانپیں ماسوائے جب وہ اپنی سیٹوں پر ہوں اور اپنی ساتھیوں سے سماجی فاصلے پر ہوں۔