وزیر اعلی سندھ کی صوبے بھر میں عید پر ویکسی نیشن سنٹر کھلے رکھنے کی ہدایت 

کراچی(آئی این پی)وزیراعلی سندھ مراد علی شاہ نے صوبائی انتظامیہ کوصوبے بھر میں کورونا ویکسی نیشن سنٹرز عید پر بھی کھلے رکھنے کی ہدایت کر دی، تفصیلات کے مطابق  بدھ کووزیر اعلی سندھ کی صدارت میں کورونا ٹاسک فورس کا اجلاس ہوا، اس موقع پر مراد علی شاہ نے کہاکہ ایکسپو ویکسی نیشن سینٹر عید کے دوران کھلا رکھیں، عوام سے اپیل ہے رشتہ داروں کو اپنے گھر آنے سے روکیں،مراد علی شاہ نے ریسٹورنٹس کو ٹیک اوے کی اجازت دے دی۔ انہوں نے کہا کہ ریسٹورنٹس کو کرسی لگانے کی اجازت نہیں ہوگی، ٹیک اوے کیلئے کوئی اپنی گاڑی سے نہیں اترے گا۔