ماونٹ ایورسٹ سر کرنیوالے شہروز کاشف کااظہار تشکر

کراچی (اسپورٹس ڈیسک) دنیا کی بلند ترین چوٹی ماؤنٹ ایورسٹ 19 سال کی عمر میں سر کرنے والے پاکستانی کوہ پیما نے عوام کا شکریہ ادا کیا ہے۔اپنے پیغام میں 19 سالہ کوہ پیما شہروز کاشف نے سپورٹ کرنے پر پاکستان کے عوام کا شکریہ ادا کیا ہے۔ انہوں نے کہاکہ اس کارنامے کا جشن وہ جلد پاکستان پہنچ کر لوگوں کے ساتھ منائیں گے۔ شہروز کاشف نے11 مئی کی صبح دنیا کی بلند ترین چوٹی ماونٹ ایورسٹ سر کرنے کا کارنامہ انجام دیا تھا۔وہ پاکستان کے پانچویں کوہ پیما ہیں، جو ماونٹ ایورسٹ کی بلندی تک پہنچے۔چوٹی سر کرنے کے بعد اپنے پیغام میں شہروز کاشف کا کہنا تھا کہ وہ ان سب کا شکریہ ادا کرتے ہیں جنہوں نے انہیں سپورٹ کیا۔ماونٹ ایورسٹ کو سر کرنے کے کارنامے کا جشن وہ جلد پاکستان پہنچ کر اپنے لوگوں کے ساتھ منائیں گے۔