کراچی (نیوز رپورٹر) ناظم امتحانات جامعہ کراچی ڈاکٹر سید ظفر حسین کے مطابق ایسوسی ایٹ ڈگری اِن آرٹس(اے ڈی اے)اورایسوسی ایٹ ڈگری اِن کامرس (اے ڈی سی)کے امتحانی فارم جمع کرانے کی تاریخ میںتوسیع کردی گئی ہے۔ایسوسی ایٹ ڈگری اِن کامرس (اے ڈی سی)کے امتحانی فارم7000 روپے فیس کے ساتھ 31 مئی 2022 ء جبکہ ایسوسی ایٹ ڈگری اِن آرٹس(اے ڈی اے)کے امتحانی فارم 5500 روپے فیس کے ساتھ متعلقہ کالجز میں جمع کرائے جاسکتے ہیں۔دریں اثناء  بی اے ریگولر اور بی ایس سی (پاس ) سالانہ امتحانات برائے 2021 ء کے امتحانی فارم جمع کرانے کی تاریخ میں 16 مئی 2022 ء تک توسیع کردی گئی ہے۔ بی اے سال اول(فیل ہونے والے )اور بی اے سال دوئم کے طلبہ اپنے امتحانی فارم 5500 روپے فیس کے ساتھ جبکہ بی اے باہم کے طلبہ اپنے امتحانی فارم 11000 روپے فیس کے ساتھ جبکہ اسی طرح بی ایس سی (پاس) سال اول(فیل ہونے والے ) اور بی ایس سی (پاس) سال دوئم کے طلبہ اپنے امتحانی فارم 7000 روپے فیس کے ساتھ جبکہ بی ایس سی (پاس ) باہم کے امتحانی فارم 12000 روپے فیس کے ساتھ16 مئی 2022 ء تک جمع کراسکتے ہیں۔واضح رہے کہ 2015 ء یا اس سے قبل کی انرولمنٹ کے حامل طلبہ 3000 روپے اضافی فیس کے ساتھ امتحانی فارم جمع کراسکتے ہیں۔