وفاق محتسب  اعجازاحمد قریشی کا  علاقائی محتسب دفتر کا دورہ کراچی 

کراچی (نیوز رپورٹر) وفاقی محتسب اعجاز احمد قریشی نے سیکریٹری وفاقی محتسب اعجاز احمد کے ہمراہ جمعرات کو وفاقی محتسب کے علاقائی دفتر کراچی کا دورہ کیا اور کارکردگی کا جائزہ لیا۔ سینئر ایڈوائزر اور ریجنل انچارج وفاق محتسب سیکریٹریٹ کراچی نے محتسب کو تحقیقات کی صورتحال، شکایات کے ماہانہ نمٹانے کی رپورٹ، بجٹ مختص کرنے اور خالی اور بھری ہوئی آسامیوں کی مجموعی پوزیشن کے بارے میں آگاہ کیا۔ انہیں ایجنسی وار شکایات کے نمٹانے کے بارے میں بتایا گیا کہ یکم جنوری 2022 سے
 اب تک 5461 کیسز سامنے آئے ہیں۔ محتسب کو تحقیقات اور فیصلوں پر عمل درآمد کے دوران ریجنل آفس کے چیلنجز اور مسائل سے آگاہ کیا گیا۔ اعجاز قریشی نے محتسب کے فیصلوں پر عملدر آمد کے لیے اپنی مکمل حمایت کا اظہار اور دفتر کی کارکردگی پر اطمینان کا اظہار کیا،  ریجن کے انتظامیہ اور عملے کی حوصلہ افزائی کرتے ہوئے کہا کہ وہ جو خدمات سرانجام دے رہے ہیں وہ انسانیت کی خدمت ہے۔ ان کا مزید کہنا تھا کہ متاثرہ شہریوں کی شکایات کے ازالے سے آپ کو ہمیشہ دعاں کی صورت میں بے پناہ خوشی ملے گی جو شکایت کنندگان کے پاس کوئی اور آپشن نہ ہونے کے باوجود محتسب کا دروازہ کھٹکھٹاتے ہیں۔ وفاق محتسب کے حوالے سے عوام میں بیداری کی اہمیت پر زور دیتے ہوئے اعجاز قریشی نے کہا کہ میڈیا عوام کو ان کے حقوق اور ان کی شکایات کے ازالے کے حوالے سے آگاہ کرنے میں اپنا کردار ادا کرے۔ اس مقصد کے لیے انہوں نے ریجنل انچارج کو ہدایت کی کہ وہ شکایات کے ازالے میں وفاق محتسب کے کردار کو عام کرنے کی بھرپور کوشش کریں تاکہ زیادہ سے زیادہ لوگ مستفید ہو سکیں۔ انہوں نے مزید کہا کہ کوئٹہ جیسے دور افتادہ علاقوں میں قائم محتسب دفاتر عوامی شکایات کے ازالے میں بہت مثبت نتائج دے رہے ہیں۔ وفاق محتسب نے محتسب کے فیصلوں پر عملدرآمد پر زور دیا اور کہا کہ اسلام آباد میں متعلقہ اداروں کے لیے مانیٹرنگ کمیٹی قائم کر دی گئی ہے تاکہ شکایات کے ازالے کو یقینی بنایا جا سکے۔