منچھر چٹھہ ریلوے کراسنگ پر پھاٹک نصب کیا جائے:شہریوں کا مطالبہ

علی پورچٹھہ(نامہ نگار ) علی پورچٹھہ کے نواحی گاؤں منچھر چٹھہ ریلوے کراسنگ پر پھاٹک نصب کیا جائے تفصیلات کے مطابق منچر چٹھہ ریلوے کراسنگ پرگاڑی آتی دیکھ کر رسی کھینچ دی جاتی ہے دونوں اطراف ریلوے کی جانب سے بورڈ آویزاں کر دیئے گئے ہیں کہ لائن اپنی ذمہ داری پر کراس کریں حادثات معمول بن چکے ہیں بارہا یقین دہانیوں کے باوجود پھاٹک نصب نہ کیا جا سکا، قریبی دکاندار ٹرین آنے پر راستہ بند کر دیتے ہیں بعض اوقات پتہ نہ چلنے پر ٹریفک گذرتی رہتی ہے خدانخواستہ کسی وقت بھی سنگین حادثہ رونما ہو سکتا ہے واضح رہے کہ مصروف ترین سڑک ہونے کے باعث روزانہ ہزاروں افراد اس ریلوے کراسنگ سے گزرتے ہیں لوگوں کی بڑی تعداد نے وفاقی وزیر ریلوے سعد رفیق سے مطالبہ کیا ہے کہ ترجیحی بنیادوں پر ریلوے پھاٹک کی تنصیب کے احکامات جاری کئے جائیں۔