عاطف اسلم اور شے گل کے گانے کا ٹیزر ریلیز‘ مداح پرجوش

 اسلام آباد میں امریکی سفارت خانے کے یوٹیوب چینل نے پاکستان کے سپر اسٹار عاطف اسلم اور کوک اسٹوڈیو کے پسوڑی سے مشہور شائے گل کے گانے کا ایک ٹیزر پوسٹ کیا جس نے مداحوں کو پرجوش کردیا۔گزشتہ روز ٹوئٹر پر عاطف اسلم ٹاپ ٹرینڈ بنے جس کی وجہ یہ تھی کہ امریکی سفارت خانے کی کی جانب سے عاطف اسلم اور شائے گل کے گانے کا ٹیزر جاری کیا گیا تھا ۔عاطف اسلم اور شائے گل کا کوویڈ ویکسینیشن کو فروغ دینے والا گانا منزل(کل 14 مئی کو شام 6 بجے ریلیز کیا جائے گا جبکہ گانے کی ویڈیو میں اداکارہ ثروت گیلانی بھی نظر آئینگی ۔گانے میں محمد حنیف نے بطور نغمہ نگار اور شمشیر رانا، ورقہ فرید، نمرہ گیلانی اور علی ہمدانی بطور پروڈیوسر اور کمپوزر کام کیا ہے۔امریکی سفارت خانے نے پاکستانی فلم ڈائریکٹر سرمد کھوسٹ کے ساتھ مل کر یہ گانا تیار کیا تاکہ کووڈ 19 کی ویکسینیشن اور بوسٹر شاٹس کو فروغ کیا جا سکے۔ ٹیزر کو دیکھ کر زیادہ تر سوشل میڈیا صارفین پرجوش ہوگئے ہیں اور ان کی اکثریت عاطف اسلم اور شائے گل کے گانے کو سننے کیلئے بہت زیادہ خوش ہے۔