لاہور(سپورٹس رپورٹر)پنجاب اولمپک ایسوسی ایشن کے صدر عامر جان نے مشعل سیکرٹری سپورٹس پنجاب شاہد زمان اور ڈی جی سپورٹس پنجاب ڈاکٹر آصف طفیل کے حوالے کی۔اولمپیئن شبانہ اختر،اتھلیٹ شجر عباس،کبڈی کے انٹرنیشنل کھلاڑی شفیق چشتی مشعل لیکر پنجاب سٹیڈیم پہنچے۔34ویں نیشنل گیمز میں پنجاب کا 450سے زائد کھلاڑیوں اور آفیشلز پر مشتمل دستہ شرکت کررہا ہے۔ سیکرٹری سپورٹس پنجاب شاہد زمان نے کہا کہ نیشنل گیمز کی تیاری کیلئے بھرپور اقدامات اٹھائے ہیں۔پنجاب کے کھلاڑیوں کی کارکردگی نیشنل گیمز میں نظر آئیگی۔نیشنل گیمز کے انعقاد کیلئے تعاون پر سب کا شکریہ ادا کرتاہوں۔