لاہور میں 20 سے زائد ڈکیتیاں، شہری گاڑیوں، موٹرسائیکلوں سے محروم

لاہور (نامہ نگار) ڈاکوؤں اور چوروں نے وارداتوں کے دوران متعدد شہریوں سے  طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ تفصیلات کے مطابق چوروں نے شمالی چھاؤنی  میں خالد کے گھر سے 58لاکھ  کے طلائی زیورات، نقدی اور دیگر سامان ،چوہنگ  میں عدنان کے گھر سے 19لاکھ مالیت کے طلائی زیورات، نقدی اور دیگر سامان ،چوہنگ میں سجاد احمد کے گھر سے 18لاکھ 20ہزار کے طلائی زیورات ،نقدی اور دیگر سامان  چرا لیا۔ ڈاکوؤں نے ہربنس پورہ  میں اکرام خان کے دفتر سے 15لاکھ 45ہزار، ہئیر میں عباس کی دکان سے ایک لاکھ 10ہزار  اور موبائل فون،گرین ٹاؤن  میں الیاس کی موبائل فونز کی دکان سے 4 لاکھ 6 ہزار اورموبائل فون، ہنجروال  میں نوید سے 59 ہزار  ، سبزہ زار  میں ندیم سے ایک لاکھ 17ہزار، رائیونڈ میں مختار کی ایلومینیم کی دکان سے 45ہزار ،ستوکتلہ  میں شکور سے 82ہزار  اور موبائل فون،گرین ٹاؤن  میں اطہر شاہد سے 45ہزار   اور موبائل فون، سمن آباد  میں طارق سے 14ہزار 8سو  اور موبائل فون، گارڈن ٹاؤن  میں صابر سے 22ہزار  اور موبائل فون، وحدت کالونی  میں رحمان اوراس کی فیملی سے4لاکھ 42ہزار روپے مالیت کے طلائی زیورات، نقدی اور موبائل فون، وحدت کالونی کے علاقے میں حیدر سے 55ہزار روپے، اقبال ٹاؤن کے علاقے میں  وقاص سے 35ہزار اور موبائل فون لوٹ لیا۔ مسلم ٹاؤن، کاہنہ، نشتر کالونی، ڈیفنس اور غالب مارکیٹ  سے 5 گاڑیاں جبکہ لاری اڈہ، سبزہ زار، مانگا منڈی، نیو انارکلی، شالیمار، باغبانپورہ، مزنگ، لوئرمال،ہنجروال اور قلعہ گجر سنگھ میں سے 10 موٹرسائیکلیں چوری  ہو گئیں۔