آئین پاکستان عوام کی امانت ہے :سلمیٰ تصدق 

شیخوپورہ (نامہ نگارخصوصی)انصاف لائیرز ونگ کی رہنما سلمیٰ تصدق ایڈووکیٹ نے کہا کہ پوری قوم آئین و قانون کی بالا دستی اور عدلیہ سے اظہار یکجہتی کے لیے باہر نکلے گی،قومی لیڈر عمران خان کی کال پر ہر گلی کوچے میں اس عزم کا اعادہ کیا جائے گا آئین و قانون کی بالا دستی اور عدلیہ کی مضبوطی کیلئے کسی قربانی سے دریغ نہیں کیا جائے گا، آئین پاکستان عوام کی امانت ہے۔ جس میں حکمران خیانت کررہے ہیں اور آئین کو پامال کرنے میں کوئی کسر نہیں چھوڑی گئی، انہوں نے کہا کہ آئین 90 دن میں انتخابات کا واضح راستہ فراہم کرتا ہے مگر حکمران آئین کو موم کی ناک بنانا چاہتے ہیں تاکہ اپنی مرضی سے آئین و دستور کو استعمال کرسکیں۔