اسلام آباد (نوائے وقت رپورٹ) چین افغانستان کے عام لوگوں کی زندگیوں کو تبدیل کرنے کی کوشش کر رہا ہے، اس نے سماجی و اقتصادی خامیوں پر قابو پانے کے لیے طالبان کے عبوری سیٹ اپ کو بار بار بھاری مالی اور انسانی امداد فراہم کی ہے۔ امریکہ کی یکطرفہ پابندیوں کا نفاذ افغانستان میں عدم استحکام کی اہم وجوہات میں سے ایک ہے۔ چینی میڈیا کے مطابق ایسا لگتا ہے کہ افغانستان کی معیشت امریکی خارجہ پالیسی کی ترجیحی فہرست میں سب سے نچلی سطح پر ہے جس نے اپنے نام نہاد سماجی، اقتصادی، جغرافیائی مفادات کے تحفظ کے لئے جان بوجھ کر دوسرے ترقی پذیر ممالک پر یکطرفہ پابندیاں عائد کی ہیں۔ افغانستان گزشتہ 25 سالوں سے امریکی فوجی مہم جوئی اور اس کے بعد کی پابندیوں کی وجہ سے لائن آف فائر میں ہے جس نے غربت، بھوک، بے روزگاری اور امن و امان کی بگڑتی ہوئی صورتحال کے بڑھتے ہوئے تناسب سے نمٹنے کے لئے اس کی قومی صلاحیت سازی کے نظام کو بری طرح متاثر کیا ہے۔ افغان معیشت، تہذیب، سیاسی نظام، انتظامیہ، گورننس امریکہ کی وحشیانہ فوجی مداخلت کی وجہ سے تباہ ہو چکے ہیں۔ مزید براں چین سماجی و اقتصادی‘ سیاسی عدم استحکام‘ دہشت گردی، انسانی اور منشیات کی سمگلنگ سے متعلق متعدد پیچیدہ اور پیچیدہ مسائل کو حل کرنے کیلئے چین‘ افغانستان اور پاکستان پر مشتمل ایک عظیم بامعنی اور انٹر ایکٹو سہ فریقی مذاکرات کے آغاز کیلئے سرگرم رہا۔ اس سلسلے میں چین افغانستان کو ویکسین‘ طبی سازوسامان‘ ادویات اور دیگر انسداد وبائی سامان کےساتھ ضروری انسانی امداد فراہم کر رہا ہے اور روایتی چینی ادویات میں تعاون کر رہا ہے۔ اور کووڈ 19 سے لڑنے میں افغانستان کی مدد کر رہا ہے۔ چین نے سماجی و اقتصادی خامیوں پر قابو پانے کیلئے طالبان کے عبوری سیٹ اپ کو بار بار بھاری مالی اور انسانی امداد فراہم کی ہے۔
چین/ افغان