لاہور (خصوصی نامہ نگار) جامع علی مسجد حوزہ علمیہ جامعتہ المنتظر ماڈل ٹاو¿ن میں مولانا سید تطہیر حسین زیدی نے کہا کہ تمام آسمانی کتب قرآن مجید، انجیل، تورات ، زبور اور دیگر صحف انبیا ،انسان کی کردار سازی کیلئے اللہ تعالیٰ نے نازل کئے۔ ان کتب میں اسلوب زندگی سکھایا گیا کہ خالق کائنات انسانی زندگی کو کس طرح گذرتے دیکھنا چاہتا ہے۔ مولانا تطہیر زیدی نے کہا 20 سال کی عمر تک نوجوان کو شیطان اپنی طرف کھینچنے کی کوشش کرتا ہے۔ پھر یہ اس پر منحصر ہے کہ وہ رحمان کا راستہ اختیار کرتاہے ، یا شیطان کا۔ انہوںنے کہا کہ میڈیا نوجوانوں کی کردار سازی کی بجائے انہیں خراب کررہا ہے۔ والدین توجہ دیں۔