پشاور+ کوئٹہ (نوائے وقت رپورٹ) پشاور میں ہزار خوانی چوک کے قریب بارودی مواد کا دھماکہ ہوا۔ پولیس کا کہنا ہے کہ دھماکہ سڑک کنارے کھڑی بکتر بند کے قریب ہوا۔ ایس ایس پی آپریشنز کاشف ذوالفقار نے کہا کہ دھماکے میں بکتربند گاڑی کو جزوی نقصان پہنچا۔ کسی جانی نقصان کی اطلاع نہیں ملی۔ بکتر بند نوشہرہ سے مرمت کے لئے لائی گئی تھی۔ کوئٹہ کے علاقے ہزار گنجی میں قانون نافذ کرنے والے ادارے کے ناکے پر دھماکہ ہوگیا۔ ذرائع کے مطابق دھماکے میں ایک اہلکار شہید اور دو اہلکار زخمی ہو گئے۔ زخمیوں کو طبی امداد کے لئے ہسپتال منتقل کر دیا گیا۔