سرائے مغل‘   قصور(نامہ نگار+نمائندہ نوائے وقت) گزشتہ رات طوفانی بارش اور تیز ہوا سے سرائے مغل کی نواحی جھگی نشینوں کی بستی میں آگ لگ گئی ۔جس سے تین گھروں کی چھتوں پر پڑے اوپلے اور ایندھن جل گیا۔واقعہ کے نتیجہ میں ایک بچی کے پائوں جھلس گئے۔ریسکیو 1122اور اہالیان دیہہ کی کوششوں سے آگ پر قابوپا لیاگیا۔دوسری جانب حویلی میتلیاں والی میں آسمانی بجلی گرنے سے ایک شخص جاں بحق جبکہ ایک زخمی ہو گیا۔ طارق سکیورٹی گارڈ کی ڈیوٹی کرتا تھا گزشتہ روز اپنے کھیتوں میں موجود تھا کہ آسمانی بجلی اس پر آگری جس سے وہ موقع پر جاں بحق ہوگیا جبکہ خلیل نامی شخص شدید زخمی ہو گیاجسے بلھے شاہ ڈسٹرکٹ ہسپتال منتقل کر دیا گیا۔