جھنگ‘ منڈی شاہ جیونہ (نامہ نگار) شاہ جیونہ دربار میلہ میں جھولے سے گرنے سے خاتون اور تین بچیوں سمیت چار افراد زخمی ہو گئے۔ تیس سالہ فوزیہ، سات سالہ سلمیٰ، چار سالہ امبرین، تین سالہ علیشہ زخمی ہو گئے۔ ریسکیو اہلکاروں نے زخمیوں کو ابتدائی طبی امداد کے بعد ہسپتال منتقل کر دیا۔ عرس میلہ حضرت پیرشاہ جیونہ پرجھولا ٹرین کا ایک ڈبہ پٹڑی سے اترا جس کے نتیجہ میں جھولا ٹرین پر سوار تین کم عمر بہنیں سات سالہ سلمیٰ، چار سالہ امبرین اور تین سالہ علیشہ زخمی ہوگئیں۔ ریسکیو 1122کے اہلکاروں نے بروقت رسپانس کر کے زخمی بچیوں کو ابتدائی طبی امداد کے بعد ڈی ایچ کیو ہسپتال جھنگ منتقل کر دیا۔