ڈچز آف سسیکس میگھن مارکل نے بتایا کہ وہ پیشہ ورانہ زندگی اور دو بچوں شہزادہ آرچی اور شہزادی لیلیبیٹ کی ذمہ داریاں ایک ساتھ کس طرح نبھاتی ہیں۔
میگھن مارکل نے نائیجیریا میں ’ویمن اِن لیڈرشپ‘ کے عنوان پر ایک پینل ڈسکشن میں شرکت کی جہاں اُنہوں نے یہ بتایا کہ پیشہ ورانہ زندگی میں کامیابیاں حاصل کرنے کے ساتھ ساتھ ماں بننا ان کے لیے کتنا اہم ہے۔
اُنہوں نے بتایا کہ ماں بننے کے بعد زندگی میں بڑی تبدیلی آئی، ماں بننا ہمیشہ سے میرا خواب تھا اور میں بہت خوش قسمت ہوں کہ وہ پورا ہوا اور اب میرے پاس دو خوبصورت، صحت مند اور باتونی بچے ہیں، میں ماں بن کر بہت خوش ہوں۔
میگھن مارکل نے نائیجیریا میں ایک اسکول کے دورے کے دوران بچوں کو اپنی بیٹی لیلیبیٹ کے بارے میں بتایا کہ ہماری بیٹی لیلیبیٹ ابھی آپ سب سے بھی بہت چھوٹی ہے، وہ تین سال کی ہونے والی ہے اور اتنی اسمارٹ ہے کہ چند ہفتے پہلے اس نے میری طرف دیکھا اور پھر میری آنکھوں میں اپنا عکس دیکھ کر کہا کہ’ ماما، میں آپ کے اندر خود کو دیکھ سکتی ہوں‘۔
واضح رہے کہ شہزادہ ہیری اور میگھن مارکل کی شادی 2018ء میں ہوئی تھی اور اب اس شاہی جوڑی کے دو بچے ہیں