گوجرانوالہ (نمائندہ خصوصی) غازی علم دینؒ شہید کی یاد میں ٹھیکیدار سیموں پہلوان کی زیر نگرانی ایک دنگل کا انعقاد کیاگیا جس کے مہمان خصوصی مجید خان تھے جبکہ منصف کے فرائض کاکا پہلوان نے انجام دئیے۔ دنگل کی بڑی جوڑ میں فیصل پہلوان نے ملک اشرف پہلوان کو چت کردیا جبکہ دیگر مقابلوں میں الیاس پہلوان نے کاشی پہلوان کو‘ اسد پہلوان نے ریاض پہلوان کو‘چونڈی پہلوان نے فیصل پہلوان کو‘ سہیل پہلوان نے صفدر پہلوان کو‘ سجاول پہلوان نے محبوب پہلوان کو‘ شانا پہلوان نے ظہیر پہلوان کوہرا دیا۔بھولا جٹ اور جھارا پہلوان کا مقابلہ برابر رہا جبکہ عمر پہلوان اوررضوان پہلوان بلا مقابلہ کامیاب قرار پائے۔ دنگل کے انعقاد میں طارق ڈار پہلوان نے خصوصی کردار ادا کیا ہے۔