لاہور (سپورٹس رپورٹر) پانچویں انٹر سکول و کالج گیمز کے تیسرے روز سائیکلنگ سکول و کالج بوائز کے تین کلو میٹر ٹیم ایونٹ مکمل ہوئے، باکسنگ میں کالج ایونٹس اپنے اختتام کو پہنچے۔سائیکلنگ ویلوڈرم میں سائیکلنگ ایونٹ میں سکول بوائز ٹائم ٹرائل مقابلوں میں احسن اعجاز ادبستان صوفیہ نے پہلی، محمد جلال بٹ یونیک سکول نے دوسری جبکہ حمزہ فیض کپس رچنا ٹاﺅن نے تیسری پوزیشن حاصل کی۔ تین کلو میٹر ٹیم ایونٹ میں ادبستان صوفیہ کے طلبہ نے پہلی، یونیک سکول نے دوسری جبکہ کپس رچنا ٹاﺅن نے تیسری پوزیشن حاصل کی۔کالج بوائز ایک کلو میٹر میں عثمان بھٹی سپیریئر کالج نے پہلی، وقاص بدر یونیک کالج نے دوسری جبکہ ژوہیب قادر جی سی یو نے تیسری پوزیشن حاصل کی۔ تین کلو میٹر ٹیم ایونٹ میں سپریئر کالج نے پہلی، حمزہ فاﺅنڈیشن نے دوسری جبکہ یونیک کالج نے تیسری پوزیشن حاصل کی۔باکسنگ کالج بوائز ایونٹ کے مقابلے مکمل ہوئے۔ ریلوے روڈ کالج لاہور نے 145 پوائنٹس کے ساتھ پہلی پوزیشن حاصل کی جس میں 9 گولڈ میڈل بھی شامل ہیں۔ گورنمنٹ کالج لاہورنے 55 پوائنٹس کے ساتھ تیسری پوزیشن حاصل کی جس میں 8 گولڈ میڈل بھی شامل ہیں۔ ایف سی کالج نے ایک گولڈ میڈل کے ساتھ 50 پوائنٹس حاصل کرکے تیسری پوزیشن حاصل کی۔