آئی سی سی نے نئی ون ڈے رینکنگ جاری کردی، آف سپنرسعیداجمل بدستورپہلےاورمحمد حفیظ دوسرے نمبر پر براجمان ہیں۔ ٹاپ ٹین بیٹنگ لسٹ میں کوئی پاکستانی بلےباز موجود نہیں ہے۔

آئی سی سی کی جانب سے جاری کردہ نئی رینکنگ کے مطابق آف سپنرسعید اجمل سات سوانسٹھ ریٹنگ پوائنٹس کیساتھ بدستور پہلی پوزیشن پر موجود ہیں۔ پاکستان ہی کے محمد حفیظ سات سو سینتالیس پوائنٹس کے ساتھ دوسرے نمبر پربراجمان ہیں۔ جنوبی افریقہ کے لونوابو ٹسوٹسوبے چھ سونوے پوائنٹس کے ساتھ تیسرے نمبر پر ہیں۔
بیٹنگ لسٹ میں کوئی بھی پاکستانی بلے باز پہلی دس پوزیشنز میں اپنا نام نہیں لکھوا سکا۔ جنوبی افریقہ کے ہاشم آملہ نو سوایک پوائنٹس کیساتھ سرفہرست ہیں۔ بھارت کے ویرات کوہلی آٹھ سو اٹھاون پوائنٹس کے ساتھ دوسرے اور جنوبی افریقہ ہی کے اے بی ڈیویلئیرز آٹھ سو باون پوائنٹس کیساتھ تیسری پوزیشن پر موجود ہیں۔
عمراکمل چھ سو چوہتر ریٹنگ پوائنٹس کیساتھ فہرست میں چودہویں نمبرپرہیں۔