لاہور(خبر نگار) پیپلز پارٹی کے رہنما عابد حسین صدیقی نے کہا ہے کہ آج قوم جس آئینی اور مالیاتی بحران کا شکار ہے ان حالات میں متحدہ اپوزیشن کا اہم کردار ہے۔ وزیر اعظم نے پاناما لیکس پر تاخیری حربے استعمال کر کے اپنے لئے مسائل پیدا کر لئے اور سنگین شکوک و شبہات پیدا ہو گئے حکومتی حلقوں کی طرف سے آئے روز اقتصادی خوشحالی اور معیشت میں بہتری اور استحکام کے جو خوش کن اعلانات ہوتے اور تصویر دکھائی جاتی ہے زمینی حقائق یکسر مختلف ہیں۔