کراچی ائرپورٹ حملہ : 2 مقامی دہشت گرد بھی مارے گئے تھے‘ سنسنی خیز انکشاف

کراچی (نوائے وقت رپورٹ) دو سال پہلے کراچی ائرپورٹ حملے سے متعلق سنسنی خیز انکشاف ہوا ہے ہلاک ہونے والے تمام دہشت گرد غیر ملکی نہیں تھے۔ تحقیقاتی حکام کے مطابق ہلاک دہشت گردوں میں دو مقامی افراد ماجد اور احتشام بھی شامل تھے مارا گیا ایک دہشت گرد ماجد لشکر جھنگوی کے اسحاق بوبی کا بہنوئی تھا۔ سی ٹی ڈی نے اسحاق بوبی کو کچھ روز قبل گرفتار کیا تھا۔ ہلاک دونوں دہشت گرد اورنگی ٹائون کراچی کے رہائشی تھے دونوں کے ڈی این اے کیلئے قبر کشائی کی جائے گی۔ دہشت گردوں کے اہلخانہ کے ڈی این اے نمونے حاصل کر لئے گئے ہیں۔