سرگودھا(آن لائن) سعودی حکام نے عمرہ ویزہ حاصل کرنے سے قبل ویکسی نیشن اور ٹکٹ کی کنفرمیشن کو لازمی قرار دے دیا ہے، ذرائع کے مطابق سعودی ایمبیسی نے ایک سرکلر کے ذریعے تمام عمرہ آپریٹر اور ٹوور آپریٹر کمپنیوں کو آگاہ کیا ہے وہ سعودی ایمبیسی میں ویزہ پراسیس مکمل کرانے سے قبل عمرہ پر جانے والے تمام زائرین کی دستاویز کے ہمراہ ویکسی نیشن، کارڈاور ان کے آنے جانے کی ٹکٹیں کنفرم کروا کر ارسال کریں۔ اس کے بعد ہی سعودی ایمبیسی عمرہ کے لئے آنے والے پاسپورٹوں پر ویزے کا اجراء کرے گی۔