اسلا م آ با د(آن لائن) پنجابی فلموں کے ورسٹائل اداکار اقبال حسن کی33ویںبرسی کل منگل کو فلمی حلقوں میں منائی جائے گی اقبال حسن پاکستان پنجابی فلموں کے آل رائونڈر سمجھے جاتے تھے انہوں نے 300سے زائدفلموں میں اداکاری کے جوہردکھائے۔پاکستانی پنجابی فلموں میں سلطان راہی کی فلم مولا جٹ کے بعد اقبال حسن کی فلم شیر خان کو بے پناہ شہرت حاصل ہوئی۔اقبال حسن کو 80کی دہائی میں عروج حاصل تھاوہ14نومبر 1984ء کوایک ٹریفک حادثہ میں انتقال کر گئے ان کے بعد ان کے بھائی تنظیم حسن کو پنجابی فلموں میں متبادل کے طور پر متعارف کروایا گیا لیکن وہ کامیاب نہ ہو سکے۔