دبئی+اسلام آباد (این این آئی+سٹاف رپورٹر) دبئی میں ائرشوکے16ایڈیشن کا آغاز ہوگیا، پاکستان کی طرف سے وفاقی وزیر برائے دفاعی پیداوار رانا تنویر حسین نے تقریب میں شرکت کی۔ 3روزہ ائر شوکا افتتاح امارات کے وزیراعظم شیخ محمد بن راشد المکتوم نے کیا، پاک فضائیہ کا دستہ بھی ائیر شو میں شریک ہے، پاک چین اشراک سے تیار جے ایف17ٹھنڈر اور سپر مشاق نمائش میں توجہ کا مرکز بنا رہا۔وزیر دفاعی پیداوار رانا تنویر حسین دبئی میں جاری عالمی ائر شو میں شریک ہیں۔ شو میں پاکستان کا سٹال بھی ہے اور پاکستان ایروناٹیکل کمپلیکس کامرہ نے وفاقی وزیر کو پاکستان کے سٹال کے بارے میں تفصیل سے بریفنگ دی گئی۔