میچ دوبارہ شروع ہوتا تو ہمارے حق میں اچھا نتیجہ نکلتا،پوزیشن اچھی تھی :سرفراز احمد

دبئی (آئی این پی)پاکستانی ٹیم کے کپتان سرفراز احمد نے کہا ہے کہ میچ دوبارہ شروع ہوتا تو ہمارے حق میں اچھا نتیجہ نکلتا،میچ میں ہماری پوزیشن اچھی تھی لیکن بارش ہوگئی۔پاکستان اور نیوزی لینڈ کے درمیان تیسرا میچ بارش کے باعث بغیر نتیجہ ختم ہونے کے بعد پریس کانفرنس میں ان کا کہنا تھا کہ ٹیم میں تبدیلیوں کے باوجودون ڈے میں اچھے نتائج مل رہے ہیں۔سرفراز احمد نے کہا کہ امام الحق فٹ ہیں،ان کواحتیاط کی وجہ سے نہیں کھلایا۔شاہین آفریدی ٹیم میں اچھااضافہ ہیںجبکہ حارث سہیل کی بیٹنگ سے ٹیم کوفائدہ ہوا۔انہوں نے مزید کہا کہ ون ڈیمیں ٹاپ آرڈراچھاپرفارم کریتو بڑا ٹارگٹ بن سکتاہے۔